Կամավորի իրավունքները և պարտավորությունները

ՀՀ օրենքներին համապատասխան՝ Կամավորական շարժման շրջանակներում «Արևելքի երկրների մշակույթի կենտրոն» հասարակական կազմակերպության և կամավորի միջև ստորագրվում է պայմանագիր և կից հավելված, եթե շաբաթվա ընթացքում աշխատանքների շավալը գերադասում է 20 ժամը։ 

 Պայմանագրում նշված են երկու կողմերի իրավունքներն ու պարտավորությունները, իսկ հավելվածում` աշխատանքի բնութագիրը և կատարման ժամանակացույցը:

 Ըստ պայմանագրի` կազմակերպությունը պարտավոր է

1 ստեղծել կամավոր աշխատանքի կատարման համար պայմաններ,

2 հատուցել կամավորի կողմից կամավոր աշխատանք իրականացնելու հետ կապված պայմանագրով սահմանված գործուղման, ինչպես նաև այլ հիմնավորված ծախսերը,

3 ապահովել կամավորների աշխատանքի անվտանգության պահպանման նորմերը,

4 հնարավորություն ընձեռել կամավորին կամավոր աշխատանք իրականացնելու ընթացքում ձեռք բերել նոր մասնագիտություն կամ կազմակերպության միջոցների հաշվին բարձրացնել մասնագիտական որակավորումը:

5 իրականացնել Հայաստանի Հանրապետության օրենքներով և սույն պայմանագրով նախատեսված այլ պարտականություններ:

Կազմակերպությունն իրավունք ունի`

1. ցանկացած ժամանակ ստուգել Կամավորի աշխատանքի ընթացքը և որակը:

2 մինչև եզրափակիչ ակտի ստորագրումը` ցանկացած ժամանակ հրաժարվել պայմանագիրը կատարելուց` եթե կամավորը.

ա. չի իրականացնում ստանձնած պարտավորությունները,
բ. չի ներկայացնում իրականացրած աշխատանքների մասին հաշվետվությունները
գ. դրսևորել է Կազմակերպության կամ որևէ անդամի հեղինակությանը վնասող արարք

Կամավորն իրավունք ունի.

1 Կազմակերպությունից ստանալ տեղեկատվություն, կողմնորոշում և աջակցություն,

2 ընդգրկված լինել այնպիսի ծրագրերում և աշխատանքներում, որոնք համապատասխանում են նրա նախասիրություններին,

3 կամավորական աշխատանքի ավարտին ստանալ երաշխավորագիր-նամակ,

4 կազմակերպությունում վճարովի թափուր աշխատատեղի առկայության դեպքում ունենալ աշխատանքի տեղավորման առաջնահերթության իրավունք` մյուս հավակնորդներին որակավորմամբ չզիջելու դեպքում,

Կամավորը պարտավոր է`

1 կատարել կամավոր աշխատանքի մասին պայմանագրի պահանջները և պահպանել կազմակերպության ներքին կանոնակարգը,

2 առաջադրանքները և հանձնարարությունները կատարել ժամանակին և որակյալ,

3 կազմակերպության պահանջով տրամադրել իր կողմից կատարվող կամավորական աշխատանքի մասին տեղեկատվություն,

4 հետևողականորեն բարելավել իր մասնագիտական կարողությունները դասընթացների և ինքնակրթության միջոցով,

5 նպատակային օգտագործել կազմակերպության հատկացրած միջոցները,

6 պահպանել տեխնիկայի անվտանգության կանոնները,

7 չտարածել կամավոր աշխատանք իրականացնելու ընթացքում մարդու կյանքի և առողջության մասին իրեն հայտնի դարձած, ինչպես նաև կամավոր աշխատանքի մասին պայմանագրով նախատեսված այլ տեղեկություններ:

8 անձամբ կատարել կամավորական աշխատանքը

9. իր աշխատանքի հետևանքով պատճառված նյութական վնասը հատուցել լրիվ ծավալով, եթե առկա է իր մեղքը