Մշոշ կերակրատեսակը Վանա հարուստ խոհանոցի բաղադրատոմսերից է: բառն առաջացել է մըշմոշ (ծիրան) բառի կրճատումից։ Կան տարբեր տեսակի մշոշներ, գլխավոր բաղադրիչը ոսպն է, որին միանում են դդում կամ կանաչ լոբի կամ բազուկ. սակայն դասական մշոշը պատրաստվում է ոսպով, ծիրանաչրով և ընկույզով։ Պահքային կերակրատեսակ է։
Բաղադրություն
Ոսպ` 1 բաժակ,
Սոխ ՝ 3-4 գլուխ,
Նուշ կամ ընկույզ՝ ½բաժակ,
Ծիրանի չիր՝ ½ բաժակ,
Սալորաչիր՝ ½ բաժակ
Աղ, սև և կարմիր պղպեղ, բուրավետ ոլոռ, դափնու տերև
Բուսայուղ
Պատրաստման եղանակը
Ոսպը թրջել և թողնել 3-4 ժամ: Ապա եփել, մինչև փափկի: Սոխը մանր կտրատել և սոխառած պատրաստել: Ոսպին ավելացնել մանրացրած ընկույզ, սոխը, լվացված չիրն ու խառնելով եփել 12-15 րոպե: Պատրաստի ուտեստի վրա ցանել պղպեղ և մաղադանոս:
