Հայաստանի մի շարք մարզերում տարածում ունեցող ուտեստ է: Խաշիլը էթնիկ հայկական նախաճաշ է համարվում: Հիմնական բաղադրիչներն են՝ փոխինձը, կաթը կամ չորաթանը, յուղը կամ կարագը, սոխառածը: Որոշ շրջաններում տարածված է նաև «Եփութուխ» անունով:
Բաղադրություն
0,5 կգ փոխինձ
2 լ ջուր
0,5 ճաշի գդալ աղ
150 գ յուղ
500 գ մածուն
Պատրաստման եղանակ
Կաթսայով 2 լ ջուրը դնել գազօջախին: Երբ ջուրը սկսում է եռալ, վերցնել կրակից, ավելացնել 0,5 ճաշի գդալ աղ ու թողնել, որ սառչի։ Գդալ-գդալ ավելացնել փոխինձը ու անընդհատ փայտե գդալով խառնել մինչեւ այն թանձր զանգված դառնա: Ստացված զանգվածը նորից դնել գազօջախին` շարունակաբար խառնել մինչեւ եռալը: Թողնել եռա 15 րոպե ու վերցնել գազօջախից:
Մատուցելիս կամ ուտելիս ափսեի կենտրոնում գդալով փոսիկ անել ու մեջը յուղ լցնել: Փոխինձի վրա կարելի է մածուն ավելացնել եւ ճաշակել: Ճիշտ պատրաստված փոխինձը պետք է քաղցրահամ ու աղի լինի:
Պատրաստեց Քրիստինե Կարապետյանը
